بەرگی حەوتەم
کەسەکان بەپێی پیشە
ئامادەکردنی: لیژنه‌ی هاوبه‌شی زانكۆی هه‌ڵه‌بجه و ڕێكخراوی خاڵ
ئاوڕدانەوە لە ژیان و بەرهەمی پیشەوەران، هونەرمەندان، نووسەران و کەسانی دیکە کە خزمەتیان بە کۆمەڵگا کردووە.
بەرگی حەوتەم
ئامادەکردنی: لیژنه‌ی هاوبه‌شی زانكۆی هه‌ڵه‌بجه و ڕێكخراوی خاڵ
ئاوڕدانەوە لە ژیان و بەرهەمی پیشەوەران، هونەرمەندان، نووسەران و کەسانی دیکە کە خزمەتیان بە کۆمەڵگا کردووە.
ڕاگەیاندن کارە، لە دایک بووی گوندی بەڵخەی هەورامان ، ساڵی 1972. سەروتای خوێندنی لە زێدی خۆی دەستپێکردووە، قۆناغی سەرەتایی و ناوەندی لە هەڵەبجە خوێندووە، لەدواتێ قۆناغی ئامادەیی لە هەولێر خوێندووە، دەرچووی کۆلێژی زانستە ئیسلامیەکان -زانکۆی بەغدا 1995، لە ساڵی 1995پیشەی مامۆستایە -پسپۆڕی زمانی عەرەبی، لە ساڵی 2000 وەک راگەیاندکارێک کاری ڕاگەیاندن ئەکات . دەستی نوسینی شیعری هەیە بە هەردوو زمانی کوردی و عەرەبی، 18ساڵە وەک پەیامنێر لە سنوری هەڵەبجە شارەزوور هەورامان کار ئەکات، لە ساڵی 2009 پەیامنێری کەناڵی سپێدە بووە، لە 2018 پەیامنێری کەناڵی زاگرۆس عەرەبیە تا ئێستا بەردەوامە، خاوەنی سێ منداڵە لە هەڵەبجە نیشتەجێیە
زاناو خوێندەوار و مدرس و وتاربێژە، ئیمام جومعەی مزگەوتی پاوە. ساڵی ١٩٥٣ز لە نوریاو لە دایک بووە لای مامۆستا هەڵکەوتووەکانی ئێران و عێراق خوێندوویەتی و خوێندنی تەواوکردووە.لە هەردوو کارەساتی کیمیابارانی هەڵەبجە ١٩٨٨ز و کۆڕەوە گەورەکەی ساڵی ١٩٩١ز ڕۆڵێ بەرچاوی هەبووە لە فریاکەوتن و بەتەنگەوەچوونی کوردانی باشووردا. لە پاڵ هەستی کوردانەی گەنجانی تردا، لیژنەیەکی یاریدەدەری ئاوارەکان دروستدەکات و لە وتاری جومعەدا بەتەنگەوەچوونی ئاوارەو لێقەوماوان لە تاعەت و عیبادەت بانتر وەسف دەکات. بەو هۆیەوە کوردانی ڕۆژهەڵات دەمودەستر دەبن لە پێشکەشکردنی خزمەتگوزاری بەئاوارەو بریندارانی هەردوو کارەساتەکە. دوای ڕاپەڕین ڕۆڵی بەرچاوی هەبووە لە ڕوداوەکانی مەرزی نێوان باشور و ڕۆژهەڵات، خێزاندارەو لە شاری پاوە نیشتەجێیە.
بە سومەیە هەڵەبجەیی ناسراوە. ساڵی ١٩٨٧ لە هەلەبجە لە دایک بووە. دەرچووی ١٢ی ئامادەییە. لە ڕادیۆی یەکگرتوو دەستی بەکاری میدیایی کردووە. پاشان لە ڕادیۆی کوردستان نوسینگەی هەلەبجە کاریکردووە. بۆ ماوەی چوار ساڵ ئامادەکار و پێشکەشکاری چەندین بەرنامە بووە لە ڕادیۆی شارەزوور. لەوانە: بەرنامەی دوانگە، تاکی هۆشیار، ڕێچکە، پرسیار و دیاری، ..هتد. ئێستا لە میدیای نوێ کار دەکات. بەشداری چەندین خولی ڕێکخراوەیی و ڕۆژنامەنووسی کردووەو چەندی بڕوانامەو خەڵاتی بەدەستهێناوە. لەوانە : ڕێکحراوی ئەنجومەنی لاوانی عێراق پڕۆەی بنیاد بە پلەی نایاب. بەرهەمی بەنزاکان دەستپێدەکەمی بڵاوکردووەتەوە. لە هەڵەبجە نیشتەجێیە.
پڕۆفیسۆرە، سەرۆکی زانکۆی هەڵەبجەیە، لە نەوەی ئییبراهیم خانی دەلۆیە. نازاناوی دەلۆیان هەڵگرتووە. ١ی١ی ١٩٨٠ لە دێی برایم خان لە سەرقەڵای کفری لە دایکبووە. ساڵی ٢٠١٠ لە کۆلیجی یاسای زانکۆی سلێمانی دکتۆرای وەرگرتووە. لە بوارەکانی کارگێری، وانە وتنەوە، راوێژکاری یاسایی خزمەتی کردووە. لە زانکۆی، ساێمانی، جیهان – ساێمانی، گەشەپێدانی مرۆیی، کەرکووک، کۆلێژی پۆلیس، وانەی وتووەتەوە. خاوەنی دوو کتێب و نۆزدە توێژینەوەیە. ئەندامی سەندیکای مافپەروەرانە. ساڵی ٢٠٠٨-٢٠١٢ ڕاوێژکاری یاسایی بووە لە پەیمانگای نێودەوڵەتی بۆ مافەکانی مرۆیی زانکۆی دیئۆل.-ڕاگری کۆلێژی یاسای زانکۆی جیهان –سلێمانی بووە. ڕاوێژکاری پەرلەمان بووە بە گرێبەست. یاریدەدەری زانکۆی جیهان –سلێمانی بووە بۆ کاروباری کارگێڕی و خوێندکاران بووە. خێزاندارەو خاوەنی دوو منداڵە.
بە گۆران مەنشاوی ناسراوە، ٧ی ٣ی ١٩٨٠ لە بیارە لەدایکبووە، دواناوەندی ئیسلامی هەلەبجەی ساڵی ٢٠٠٧ تەواوکردووە. بە شداری چەندین ڤیستیڤاڵی لە شارەکانی هەرێم و عێراق کردووە: لەوانە: سلێمانی، هەڵەبجە، هەولێر، دهۆک، بەغداد، ڕانیەو ...هتد. لە دەرەوەی هەرێمیش بەشداری چەندین ڤێستیڤاڵی نێودەوڵەتی کردووە. لەوانە: ٢٠١٥ لە تورکیاو ٢٠١٦ لە ئێران و ٢٠١٧ لە میسر و سعودیەو ٢٠٢٣ لە پاکستان. چەندین خەڵات و بڕوانامەی وەرگرتووە. قورئانی بۆچەندین زاناو قورئانخوین وکەسایەتی دیار خوێندووە. لەوانە: محمود صديق المنشاوي ، د . عبدالفتاح الطاروتي ، أحمد حسنين، شيَخ احمد بن يوسف الازهري ، كمال بةختيار مصري ، مامؤستا سليمي ، محمد نعمان فليثيني...هتد ئێستا بانگبێژ و قورئانخوێنە لە مزگەوتی ئوسامە لە هەڵەبجە، خێزاندارەو حاوەنی دوو منداڵە، لەهەڵەبجە نیشتەجێێە.
ساڵى ١٩٨٤ لە شارۆچکەی خورماڵ لەدایکبووە. بڕوانامەى بەکالۆریۆسى لە بەشی مێژوو لە زانکۆی سلێمانی بەدەستهێناوە. ژیانی هاوسەریی پێکهێناوە و خاوەنى سێ منداڵە. ماوەی ١٦ ساڵە کارى ڕاگەیاندن دەکات. ساڵی ٢٠٠٩ بەرپرسی بەشی هونەریی تەلەفزیۆنی ژیوا بووە. لە کەناڵی ئاسمانیk٢٤ بەرنامەی دیکۆمێنتەری هەبووە و کاری بۆ کەناڵەکانى (ڕووداو، ستێرک، k٢٤ ) کردووە. لەئێستادا پەیامنێری کەناڵی (ئاڤامیدیا)یە لە سنوری پارێزگای هەڵەبجە.
ڕۆژنامەوان و شانۆکارە. سأڵی ١٩٨٠ لە شاری هەڵەبجە لەدایکبووە. ئامادەیی دیراساتی ئیسلامی لە هەڵەبجە خوێندووە. وەک ڕۆژنامەوان و شانۆکار و هونەری کاریکردووە. وەک بیژەری ڕادوێ و تەلەفزیۆن دەیان بەرنامەی پێشکەشکردووە. لە دەیان کورتە فلیمدا کاریکردووە. لە ستافی بەرنامەی توێشووی کامێرای تەلەفزیۆنی بزوتنەوە بووە. لە نێوان ١٩٩٦ بۆ ٢٠٠٦ لە چەندین شانۆ و فلیمدا بەشداربووە. لەوانە (مەملەکەتی ڕۆح، فاڵچی، عەرشی سکاڵا، هەڵەبجە و هەتوان، نامەکان، تابلۆی هەستانەوە، فلیمی ئیمان، سەمای کەنەسمەکان، باڵندەکاتی ناو خەردەل). بەرپرسی دەنگی ئیسلام، ڕادوێی هەڵەبجە بووە. ئەندامی کارای سەندیکای ڕۆژنامەوانانی کوردستان و فدراسیۆنی نێودەوڵەتیی ڕۆژنامەوانان و شورای قوتابخانەی هونەری هاکار و بۆردی ڕۆژنامەوانانی بزوتنەوە و ڕێکخراوی پاشایە. ژیانی هاوسەریی پێکهێناوە و خاوەنی سێ منداڵە.
ڕۆژنامەوان و شاعيرە. ناوی (ئارام ناجی محەممەد)ە. ساڵی ١٩٨١ لە هەڵەبجه لەدایکبووە. دیراساتی ئیسلامی تەواوکردووە. ساڵی ١٩٩٨ دەستی بە کاری ڕۆژنامەوانی کردووە. سەرنوسەری گۆڤاری (پرێس) و بەڕێوەبەری نوسینی ڕۆژنامەی (بزووتنەوەی ئیسلامی)بووە. ساڵی ٢٠١١ بە ئەندامی دەستەی لقی سلێمانی (سەندیکای ڕۆژنامەوانانی کوردستان) هەڵبژێرراوە. خاوەنی چەند کتێبێکی چاپکراوە، لەوانە (گەشتی زاهیدانەی خەیاڵ، ئەمەوێ لای سادەیی بم، ئایدیای خۆشەویستی، خۆشەویستی لە سەردەمی شێرپەنجەدا). دەیان وتاری لە ڕۆژنامە و بڵاوکراوە کوردییەکاندا بڵاوکردووەتەوە و چاوپێکەوتنی لەگەڵدا کراوە. لە ئێستادا لە سەرۆکایەتیی (زانکۆی هەڵەبجه) فەرمانبەرە.
ڕۆژنامەوان و شاعیرە. ناوی (ئارام حسێن قادر)ە و بە (ئارام شەمێرانی) ناسراوە. ساڵی ١٩٨٤ لە کۆمەڵگەی (عەنەب)ی نزیک هەڵەبجە لەدایکبووە. دەرچووی بەشی وەرزشیی پەیمانگای مەڵبەندی مامۆستایانی هەڵەبجەیە. وەک سەرنوسەر و دەستەی نوسەران و پەیامنێر، کاری بۆ بڵاوکراوەکانی (لڤین، شەن، ڕێچکە، تام، ئەستێرە، گۆران، چەتر، بارین و... ) کردووە. کاری لە ئامادەکردن و کۆکردنەوەی بۆ هۆنراوەی ١٠ شاعیری هەڵەبجەدا کردووە. لە کتێبە چاکراوەکانی (هەڵەبجەناسی "شەش بەرگ"، پیاوێک لە دوکەڵی تەقینەوەدا). ساڵی ٢٠٢٢ لەسەر ئەرکی خۆی گەلەرییەکی فۆتۆگرافی لە شاری هەڵەبجە کردووەتەوە و بەڕێوەیدەبأت، کە بووەتە ناوەندێکی ڕۆشنبیری و چالاکی تێدا ئەنجامدەدرێت. خاوەنی چەندین خەڵات و ڕێزلێنانە.
ساڵی ١٩٨١ لە شاری هەڵەبجە لەدایکبووە. بڕوانامەی دبلۆمی بەدەستهێناوە. لە تەلەفزیۆنی گەلی کوردستان، دامەزراوەی وشە، سایتی سبەی، ڕۆژنامەی ڕۆژنامە، ڕادیوی گۆڕان، سەنتەری ڕاپرسی وشە، کەناڵی ئاسمانیی KNN، (ماوەیەک سەرپەرشتیاری نوسینگەی KNN بووە لە پارێزگای هەڵەبجە)، دەزگای میدیایی خەندان، کاریکردووە. ساڵی ٢٠٢٤ دەزگای خێرخوازیی نیشتمانی کوردانی دامەزراندووە و لە ئێستادا سەرۆکی دەزگاکەیە. ژیانی هاوسەریی پێکهێناوە و خاوەنی دوومنداڵە.
ڕۆژنامەوان و شاعیرە. ساڵی ١٩٩٠ لەدایکبووە. بەشی کارگێری لە پەیمانگای تەکنیکیی سلێمانی تەواوکردووە. دوو کتێبی بە ناونیشانەکانی: (نامەیەکی پەشیمانی)، (دورتر لە تۆ نزیکتر لە مەرگ) چاپکردووە. لە ساڵی ٢٠١١ـەوە کاری ڕۆژنامەوانی دەکات. لە گۆڤارەکانی وەک (مۆزیک، تاک، نسێ، شەپۆل، نێوەند، چوارستار، سلێمانی) کاریکردووە. لە ساڵی ٢٠١٣شەوە لە ڕادوێی شارەزوور کاریکردووە و لە ئێستادا بەڕێوەبەری ئەو ڕادوێیەیە. ژیانی هاوسەریی پێکهێناوە و خاوەنی منداڵێکە.
ڕۆژنامەوان و نوسەرە. ساڵى ١٩٨٦ لە شاری هەڵەبجەى شەهيد لەدایکبووە. بڕوانامەی ماستەرى لە شوێنەوارى ئيسلامى لە زانکۆى سلێمانى بەدەستهێناوە. لە ساڵی ٢٠٠٩ەوە دەستى بە بەکارى ڕۆژنامەوانى کردووە و وەک پەيامنێر لە ڕۆژنامەکانى: کۆمەڵ، وەرچەرخان، چەتر، کاریکردووە. لە ساڵانى ٢٠١٢ بۆ ٢٠١٤ پەيامنێرى کەناڵى ئاسمانیی پەيام بووە. ساڵى ٢٠١٨ وەک ستافى لقى هەڵەبجەى سەنديکاى ڕۆژنامەوانان دەستبەکاربووە و ماوەى دوو خول سکرتێرى لقى هەڵەبجەى سەنديکاى ڕۆژنامەوانان بووە. ژیانی هاوسەریی پێکهێناوە و خاوەنى سێ منداڵە.
ساڵی ١٩٩٥ لە شاری هەڵەبجە لەدایکبووە. ڕاگەیاندکار و کارمەندی تەندروستی بووە. دبلۆمی لە بەشی شیکاری نەخۆشیەکان هەیە. پێشکەشکار و ئامادەکاری چەندان بەرنامە بووە لە کەناڵی هەڵەبجەتیڤی. چالاکوان و ڕێکخەری دەیان چالاکی بووە. بڕوانامەی TOT هەیە. وەک ڕاهێنەر و لە ئەکادیمای بونیاد خولی گوتوەتەوە. ئەندامی کۆڕی خوێنەرانی شار بووە. دامەزرێنەری کەناڵی ناوخۆیی (UK٤) بووە لە بەریتانیا دەژی.
ڕۆژنامەوان و فۆتۆگرافەرێکی ئێرانییە. ساڵی ١٩٥٢ لە شاری (ساوە) لەدایکبووە. لەگەڵ سەرهەڵدانی شۆڕشی ئێراندا دەستی بەکاری هونەری کردووە. شارەزایەکی ئەکادیمیی هونەری فۆتۆگرافییە. لە ماوەی شەڕی هەشت ساڵەدا وەک فۆتۆگرافەری جەنگ لە زۆربەی بەرەکانی شەڕدا ئامادەبووە. زۆربەی وێنەکانی لە(بنیاد اندیشە ئیسلامی) و گۆڤاری سروس و کتێبەکانی بەرگریی پیرۆز و بە زمانە بیانییەکان چاپ و بڵاوکراونەتەوە. یەکێکە لەوانەی لە ڕوماڵکردنی کیمیابارانی هەڵەبجەدا بە یاوەری تیمێکی ڕاگەیاندنی ئێرانی لە ١٨ی ٣ی ١٩٨٨ سەردانی هەڵەبجەی کردووە. چەندین وێنەی گرنگ و سەرنج ڕاکێشەری دیمەنەکانی ئەو تاوانەی بۆ ڕۆژنامە و کەناڵەکان گواستووەتەوە. ئەندامی کارای وێنەگرانی شۆڕش و بەرگریی ئێرانە. چەندین پێشانگای وێنەیی لە ناوەوە و دەرەوەی ئێراندا کردووەتەوە. خانەنشینە و سەربەخۆ کاردەکات.
ڕۆژنامەوان و شاعيرە. ناوی (ئە‌حسە‌ن حەسەن عەبدولڕە‌حمان محەممەد)ە. ساڵی ١٩٧٧ لە گوندی (پریسی خواروو) لەدایکبووە. پەیمانگای ئیسلامی تەواوکردووە. ساڵی ١٩٩١ دەستی بەکاری ڕاگەیاندن کردووە. فەرمانبەرە لە (بە‌ڕێوە‌بە‌رایە‌تیی چاپ و بڵاوکردنە‌وە). خاوەنی سێ کتێبی شیعرییە بە ناوە‌کانی (نیوە‌ی مەرگ و نیوە‌ی ژیان، خوێنی زیکر و مەستی خەیاڵ). سەرنوسەری ڕۆژنامەی (باسک) و بەڕێوەبەری کەناڵی (IMK) بووە و وەک بێژە‌ر و پێشکەشکار لە تەلەفزيۆن کاریکردووە. ژیانی هاوسەریی پێکهێناوە و خاوەنی چوار منداڵه.
شانۆکار و فلیمساز و ڕاگەیاندنکارە. ساڵی ١٩٨٢ لە هەڵەبجە لە دایکبووە. بە ئەردەلان کاکەیی ناسراوە. بڕوانامەی دبلۆمی بە دەستهێناوە و کارمەندە لە پەیمانگای تەکنیکیی هەڵەبجە. وەک ئامادەکار و دەرهێنەر و ئەکتەر و جێبەجێکاری هونەری و وێنەگرتن و دۆبلاژ، لە زیاتر لە ١٥ شانۆ و ١٤ فلیمدا بەشداربووە، لە شانۆکانی، گۆمی مەنگ، هەستانەوە لەناو تەمدا، قەوانە شکاوەکان، نیشتمانێک لە تەنیایی، بازنەکانی مەرگ، مەملەکەتی ئاشوب، تەڵاقەکانی بارام بەگ و فلیمەکانی، ئاواتی ون، فریو، تاوان، کما، بۆنی سێو، ببورە نیشتیمان..هتد. ئەندام و بەرپرسی هونەریی چەند ڕێکخراوێک بووە. بەشداری فیستیڤاڵەکانی هەڵەبجە، ناوەندی ڕوناکبیری و ڕۆشنبیری و باخی میر و شانۆی سەقز و کورتە فلیم و ساڵیادی ئەنفال و..هتد کردووە. کاری دیزاین و پۆستەر و دەنگی بۆ دەیان چالاکی کردووە، لەوانە دیدارەکانی شەوانی شار، گۆڤاری دیلانێ، فیستیڤأڵی باخی میر. پێنج ساڵ وێنەگری سەتەلایتی گەلی کوردستان و ساڵێکیش کەناڵی ئاسمانیی nrt بووە. زیاد لە ٢٥ ساڵە لە چالاکییە هونەرییە جۆربەجۆرەکاندا بەشدارە، کۆتا کاری وەک ئەکتەری سەرەکی بەشداریکردنیەتی لە فلیمی غەریبەدا. لە هەڵەبجە نیشتەجێیە.
ڕۆژنامەوان و چیرۆکنوسە. بە (باوکی پێشەوا) ناسراوە. ساڵی ١٩٦٨ لە شارەزوور لەدایکبووە. پەیمانگای مامۆستایانی لە هەڵەبجە و پەیمانگای ڕاهێنان و گەشەپێدانی لە سلێمانی تەواوکردووە. وەک ئەندامی دەستەی نوسەران لە گۆڤار و ڕۆژنامەکانی: گزنگ، ڕابەر، جەماوەر، پەیڕەو، سنور، بزوتنەوەی ئیسلامی، ڕێگای یەکبوون، پێگە، بەڕێوەبری نوسین و سایتی فەرمی گۆڤاری کۆچ، کاریکردووە. سەرنوسەری گۆڤارەکانی: بوار، خێزان، لڤینی بونیاد و ئاسۆی هەڵەبجە بووە. ماوەیەک پەیامنێر و نوسەر بووە لە ڕۆژنامەی ئاڵای ئازادی و لە ڕۆژنامەی ئاوێنەش گۆشەی چیرۆکەکانی دادگای نوسیوە. چەند وەرگێڕان و چیرۆکی بڵاوکردووەتەوە. وەک پێشکەشکار ئەزموونی شەش ساڵ کاری میدیایی لە تەلەفزیۆندا هەیە. ژیانی هاوسەریی پێکهێناوە و خاوەنی پێنج منداڵە.
ڕۆژنامەوان و ڕاگەیاندکارە. ساڵی ١٩٧٦ لە گوندی (بەڵخە)ی هەورامان لەدایکبووە. قۆناغەکانی سەرەتایی و ناوەندی و ئامادەیی لە هەڵەبجە خوێندووە. بڕوانامەی بەکالۆریۆسی لە کۆلێژی ئاداب لە زانکۆی سەڵاحەدین بەدەستهێناوە. سەرنوسەر و بەڕێوەبەری نوسین، سەرنوسەر لە گۆڤاری هێشتا، بەڕێوەبەری نوسین و سەرنوسەری ڕۆژنامەی ئەحمەد موختار، دەستەی ئامادەکاری بڵاوکراوەی خواست بووە. بەشداری و دەستپێشخەری و سەرپەرشتیاری زۆر لە کار و چالاکییەکانی کردووە و چەندین خەڵاتی پێبەخشراوە. لە ساڵی ٢٠١١ـەوە تا ئێستا سەرۆکی تۆڕی ڕێکخراوەکانی هەڵەبجەیە. ژیانی هاوسەریی پێکهێناوە و خاوەنی دوو منداڵە، پیشەی مامۆستایە لە هەڵەبجە.
ڕۆژنامەوانێکی نەرویجییە. کاری بۆ ڕۆژنامەی(کلاسی کامین) کردووە. لەسەر بانگهێشتی باڵوێزی ئیران لە نەرویج لەگەڵ چەند ڕۆژنامەوانێکی ڕۆژئاوایی و ئێرانی لە ٢٢ی ٣ی ١٩٨٨ دەگاتە شاری هەڵەبجە. هەشت کاتژمێر لە شاردا دەمینێتەوە. ڕاپۆرتێکی گرنگ بۆ ڕۆژنامەکەی دەنوسێت و بڵاویدەکاتەوە. کاریگەری دەبێت لە گەیاندنی تاوانەکە بە دونیای دەرەوە. بۆ کیمیابارانی ١٩٨٨ی هەڵەبجە وتوویەتی: گەرمترین دۆزەخی سەر زەوی. ساڵی ٢٠٠٩ وەک شایەتحاڵ لە دادگای تاوانەکان دەبێتە شایەت لەسەر تاوانەکە.
لەساڵى ١٩٨٢ لە هەڵەبجەى شەهيد لە دايکبووە، بڕوانامەى سەرەتايی هەيە، لە ساڵەکانى ١٩٩٧دەستى بەکارى وێنەگرتن کردووە، لە تەلەفزيونى بزوتنەوەى ئيسلامى، چەندين بەرنامەى تۆمارکردووە. دواتر بووەتە وێنەگر لە کەناڵى ئاسمانیى پەيام، لە نوسينگەى هەڵەبجەى کەناڵەکە کاریکردووە، وێنەگرى بەرنامەى بە هۆرامى بووە، کە لەلايەن کۆچکردوو مهدى هەوراميیەوە پێشکەشدەکرا. جگە لەوە دەيان ڕاپۆرت و هەواڵی بۆ کەناڵی پەیام تۆمارکردوە. بەردەوامە لە کارى وێنەگرى لە کەناڵى ئاسمانیى پەيام. ئەندامى کاراى سەنديکاى ڕۆژنامەنوسانە. خێزاندارە و خاوەنى دوو منداڵە.