بەرگی نۆیەم
ناوەندی ڕۆشنبیری و وەرزشی
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
ناساندنی ناوەندە ڕۆشنبیرییەکان، یانە وەرزشییەکان و شوێنەکانی چالاکی لاوان کە برەو بە توانا هونەری و وەرزشییەکان دەدەن.
بەرگی نۆیەم
ئامادەکردنی: لیژنهی هاوبهشی زانكۆی ههڵهبجه و ڕێكخراوی خاڵ
ناساندنی ناوەندە ڕۆشنبیرییەکان، یانە وەرزشییەکان و شوێنەکانی چالاکی لاوان کە برەو بە توانا هونەری و وەرزشییەکان دەدەن.
فلیمێکی کورتە. بەرهەمی بەڕێوەبەرایەتیی سەنتەرە ڕۆشنبیری و تیپە هونەرییەکانی سلێمانی و تیپی شانۆی کوردستانە، سیناریۆ و دەرهێنان: جەمال محەممەد سەوزە (ئازاد سەوزه)، سەرپەرشتیاری گشتی (پرۆدسیۆر): هیوا ڕەئووف، بەڕێوەبەری بەرهەم: عاسی محەممەد ڕەمەزان، کرێن و شاریۆ: دانا عەلی بەڕێوەبەری وێنەگرتن و وێنەگر: سەردار محەممەد. مۆنتاژ: کرمانج فەرەج، دەنگدانان و کەلەرین: دانا حەمەئەمین (ستۆدیۆی سەراب)، ئەکتەرەکان: ئومێد حەمەعەلی، مامۆستا گۆریان، هونەر عەبدوڵا، وێنەگری فۆتۆگراف ساڵی ٢٠١٤ وێنەگرتن و بەرهەمهێنانی تەواوبووە.
ساڵی بەرهەمهێنان: ١٩٩٨. دەرهێنانی: کۆین ڕۆبیرتە. بە هاوکاریی پڕۆفیسۆر کریستین گۆزدن پسپۆڕی جینات لە زانکۆی لیڤەرپوڵ و د. فوئاد بابان. باس لە کاریگەرییە درێژخایەنەکانی چەکی کیمیایی لەسەر بەرکەوتووان و چەندین نەخۆشیی خراپ دەکات. بابەتی فلیمەکە لەسەر پشکنینی ٧٠٠ کەس لە بەرکەوتوان گەڵاڵە کراوە، کە لەڕێی د. عادل کەریم بەڕێوەبەری تەندروستیی هەڵەبجە و شیکردنەوە و دەرهێنانی داتاکان لەلایەن. د. فوئاد بابانەوە، بە یارمەتی مامۆستا مەلا عەبدولعەعەزیز و شەوکەتی حاجی موشیر و خەڵکی هەڵەبجە ئەنجامدراوە. باس لە ئەگەری سەرهەڵدانی نەخۆشییەکانی کۆئەندامی مێشک و دەمار، شێرپەنجە، لەبارچوون و مردنی کۆرپە، نەزۆکی.. هتد دەکات. لە چەند کەناڵێکی تەلەفزیۆنیی ئاسمانیی جیهانییەوە لە ئەوروپا و ئەمریکا و کەنەدا و کوێت پەخشکراوە و لە واشنتۆن پۆست لەسەری نوسراوە. تەلەفزیۆنی C.B.Sی ئەمریکی وەک شایەتییەک لەبەردەم لیژنەی لێکۆڵینەوە لە ئەنجومەنی پیرانی ئەمریکادا پیشانیداوە. دواجار بووەتە هۆی باشکردنی چارەسەری تەندروستی و کردنەوەی نەخۆشخانەی نوێ لە هەڵەبجە و هێنانی ئامێر و سەرنجڕاکێشانی میدیای جیهانی لەسەر هەڵەبجە و ئاوەدانکردنەوە.
فلیمێکی دۆکۆمێنتارییە. ساڵی ٢٠٢٠ بەرهەمهاتووە. بیرۆکەی: چنوور مەحموود. دەرهێنانی: تارق تۆفیق. پرۆدیوسەر: هەڵگورد ساڵح. وێنەگر: وریای گوڵزاریان. مۆنتاژ: تۆفیق ئامانی. بەشداری ٥٠ فیستیڤاڵی ناوخۆ و دەرەوەی کردووە. چەندین خەڵاتی بەدەستهێناوە.
فلیمێکی سینەمایی ٤٥ خولەکییە. نوسین و سیناریۆ و لۆکەیشن و دەرهێنانی: ئاری عەبدوللەتیف. وێنەگرتن و مۆنتاژ: موختار حەبیب. یاریدەدەری دەرهێنەر و لۆکەیشن: ئاراس محەممەد، زانیار عابید. یاریدەدەری وێنەگر: بەڵێن ئیبراهیم. ڕووناکی: یاسین ئەحمەد، پێشڕەو نیعمەت، زانیار یادگار. دەنگوەرگر: زانیار عابید، محەممەد ئاراس، ڕێباز مەحموود. میکیاج: ئەنەس هەڵەبجەیی، ئاری عەلی. دیکۆر: یاسین ئەحمەد. جلوبەرگ: مەریوان حسێن، شلێر شەریف. تەدارەکات: شکار موحسین، بەڵێن ئیبراهیم. موزیک: وەرگیراو. کارگێڕی و دارایی: بەڵێن ئیبراهیم. سەپۆرت: مەکتەبی ڕابەر، سەعد مەلا عەبدوڵا، مەکتەبی ڕاگەیاندنی بزووتنەوەی ئیسلامی. ڕۆژی ١٣ی ٥ لە هەڵەبجە و ١٥ی ٥ لە هۆڵی تەواری سلێمانی و ١٩ی ٥ لە هۆڵی ڕۆشنبیریی هەولێر نمایشکراوە. تێچووەکەی لەلایەن مەکتەبی ڕاگەیاندنی بززوتنەوەی ئیسلامییەوە خەرجکراوە.
کورتە فلیمە. ساڵی ٢٠١٧ بەرهەمهاتووە. بەرهەمهێن و سیناریۆ و دەرهێنانی: ژیوار محەممەد. ئەکتەرەکان: سەنعان فایق، گەشتین سەربەست. وێنەگر و مۆنتاژ: بینەر یوسف. لە یادی هەڵەبجەدا لە ١٦ی ٣ی ٢٠١٧ لە هۆڵی گوڵعەنبەر لە خورماڵ نمایشکراوە.
فلیمێکی سینەمایی: درێژی مێژوویی جەنگییە. بەرهەمی نالیا میدیایە. ساڵی ٢٠٢٣ بەرهەمهێنراوە. نوسەر و دەرهێنەر: هێژوان زەندی. لە هەڵەبجە و دەوروبەری وێنەگیراوە. باس لە ڕووداوەکانی ساڵی ١٩٨٨ی شاری هەڵەبجە دەکات. ئەکتەرە سەرەکییەکانی بریتین لە هونەرمەندان: قادر جەلال، شەماڵی عەبەڕەش، ئەیام ئەکرەم، حەمید یوسف، دڵنیا محەممەدی، بەکر ساڵح، زەریا سامی، نەسرین حەسەن، ئاشنا قادر. پرۆدیوسەر: ڕێمان شەوکەت. بەڕێوەبەری وێنەگرتن: هومەن بێهمانش. یاریدەدەری دەرهێنەر: محەممەد تاهیر، موزیک: نەورۆز تەنیا، بەڕێوەبەری بەرهەم: بڕیار حەسەن.