پڕۆژەى ئاوی گوندی

دواین نوێکردنەوە: 2026-05-13

سەرچاوە ئاویەکان

لاپەڕەی 70

هانەى قوڵ

کەوتووەتە گوندی (هانەی قوڵ)ی سەر بە ناحیەی (خورماڵ). ‌ساڵی ١٩٩٤ لەلایەن ڕێکخراوە خێرخوازییەکانەوە دروستکراوە. لە‌ کانی نزیک گوندەکەوە بە بۆرى و به ‌دووریی (٦٠٠م) ئاو هێنراوەتە خەزانێکەوە و لەوێشەوە بە ‌بۆری بەسەر‌ ماڵەکاندا دابەشکراوە. لە ئیستادا حەوت ماڵ سودیلێدەبینن.

سەرچاوەکان:

  1. چاوپێکەوتنى تیمى مەیدانى لەگەڵ (عومەر سدیق فەرەج)، لەدایکبوو: ١٩٦٥، بڕوانامە: بەکالۆریۆس، پیشە: مامۆستا، لە ١ی ٥ی ٢٠٢٤.
  2. ‌٢- چاوپێکەوتنى تیمى مەیدانى لەگەڵ (عارف ئەحمەد فەرەج)، لەدایکبوو: ١٩٥٤، ئاستی خوێندن: سەرەتایى، پیشە: کاسب، لە ١ی ٥ی ٢٠٢٤.
  3. چاوپێکەوتنى تیمى مەیدانى لەگەڵ (سەلام غەفوور هەیاس)ی ئەنجومەنی گوندی (هانەی قوڵ)، لەدایکبوو: ١٩٨٦، بڕوانامە: ماستەر، پیشە: مامۆستا، لە ١ى٥ى٢٠٢٤.

ئامادەکردنی: تیمی مەیدانی / گوندی هانەی قوڵ

22

هاوبەشی پێبکە

بابەتە هاوپەیوەندیدارەکان

گۆڕستانەکانی گوندی

١- سێداران، سەری داران: لە نێوان گوندی (ناوباخان) و (هانە قوڵ)ـە. ڕووبەری ئەم گۆڕستانە نزیکەی (١٠٠٠م) دەبێت. بەهۆی ئەوەی لە گۆڕستانەکەدا (سێ) داربەڕووی گەورە هەیە، بەو ناوەوە ناونراوە. مێژووەکەی لە سەردەمی ئاوەدانکردنەوەی گوندی (هانەی قوڵ) دێرینترە. ٢- گەڵباخ: چەند گۆڕستانێکی دێرینە. کەوتوونەتەنە نێوان (هانەقوڵی کۆن) و (هانەی قوڵ)ی ئێستای سەر بە شارۆچکەی (خورماڵ). لەبەر ئەوەی تەنها چەند مەترێک لە یەکترییەوە دوورن، پێیاندەوترێت گۆڕستانەکانى (گەڵباخ). ڕووبەریان نزیکەی چوار دۆنم دەبێت. مێژووەکەیان بۆ درووستبونی گوندی (گەڵباخ) و دووسەد ساڵ پێشتر دەگەڕێتەوە. ٣- ملەگاو خوێڕسگای: بە دووریی (٦٠٠م) کەوتووەتە باکوری گوند. ڕووبەرەکەی نزیکەی سێ دۆنم دەبێت. مێژووەکەی بۆ ساڵانی بیستەکانی سەدەی ڕابردوو دەگەڕێتەوە. هەتا ساڵی ١٩٧٨ و ڕاگواستنی گوندەکان مردویـان لێ بەخاکسپاردووە. ٤- هانەی قوڵ: بە دووریی کیلۆمەترێک کەوتووەتە باشوری گوند، لە نێوان گوندەکە و شارۆچکەی (خورمأڵ). زەوییەکەی لەلایەن هاوڵاتییەکى گوندەکەوە دابینکراوە و ڕووبەرەکەی سێ دۆنم دەبێت. سیاجی بۆکراوە. ساڵى ٢٠٢٤ دروستکراوە و لە ئێستادا دانیشتووانی سنورەکە مردووی تێدا بەخاکدەسپێرن.

زیاتر بزانە
هانەى قوڵ