فیستیڤاڵەکانی گروپی پەپوولەکانی هەورامان

دواین نوێکردنەوە: 2026-05-13

ناوەندی ڕۆشنبیری و وەرزشی

لاپەڕەی 305

ڤیستیڤال

فیستیڤاڵێکی هونەری و ئەدەبی کلتورییە. ماوەی ١٣ ساڵە بەردەوامە و هەموو ساڵێک لە ڕۆژی ١ی ٦ و ڕۆژی جیهانی منداڵاندا ئەنجامدەدرێت. لەلایەن (گروپی پەپوولەکانی هەورامان)ـەوە و بەسەرپەرشتی (سەنعان فایەق محەممەد هانەدنی)، کە بە (بابا سەنعان) ناسراوە، ئەنجامدەدرێت.

یەکەم فیستیڤاڵ: ساڵی ٢٠١١ لە بەردەم کتێبخانەی گشتی لە شارۆچکەی خورماڵ ئەنجامدراوە و تەنها گۆرانی پێشکەشکراوە‌.

دووەم فیستیڤاڵ: ساڵی ٢٠١٢ لە بەردەم کتێبخانەی گشتی لە شارۆچکەی خورماڵ ئەنجامدراوە و تەنها گۆرانی پێشکەشکراوە.

سێیەم فیستیڤاڵ: ساڵی ٢٠١٣ لە یاریگای گشتیی خورماڵ لە شارۆچکەی خورماڵ بەڕێوەچووە. چەندین چالاکیی (گۆرانی و موزیکی منداڵان، هەڵپەڕکێ، نمایشی شانۆیی) پێشکەشکراوە.

چوارەم فیستیڤاڵ: ساڵی ٢٠١٤ لە هۆڵی کتێبخانەی گشتیی خورماڵ لە شارۆچکەی خورماڵ ئەنجامدراوە. چالاکیی (گۆرانی و شانۆی منداڵان) پێشکەشکراوە.

پێنجەم فیستیڤاڵ: ساڵی ٢٠١٥ لە هۆڵی شەهید سامان لە شارۆچکەی خورماڵ بەڕێوەچووە، چالاکیی (شیعر و چیرۆک، پێشەنگای وێنەیی، و گۆرانی و موزیکی منداڵان)ی پێشکەشکراوە.

شەشەم فیستیڤاڵ: ساڵی ٢٠١٦ لە هۆڵی شەهید سامان لە شارۆچکەی خورماڵ بەڕێوەچووە، چالاکیی (شیعر و چیرۆک، پێشەنگای وێنەیی، و گۆرانی و موزیکی منداڵان) پێشکەشکراوە.

حەوتەم فیستیڤاڵ: ساڵی ٢٠١٧ لە قوتابخانەی گوندی (هانەیدن) بەڕێوەچووە. چالاکیی (گۆرانی منداڵان، ڕەنگکردن و کێشانی وێنە) پێشکەشکراوە.

هەشتەم فیستیڤاڵ: ساڵی ٢٠١٨ لە پارکی گشتیی خورماڵ لە شارۆچکەی خورماڵ بەڕێوەچووە.

نۆیەم فیستیڤاڵ: ساڵی ٢٠١٩ لە پارکی گشتیی خورماڵ لە شارۆچکەی خورماڵ بەڕێوەچووە.

دەیەم فیستیڤاڵ: ساڵی ٢٠٢٠ لە پارکی گشتیی خورماڵ لە شارۆچکەی خورماڵ بەڕێوەچووە.

یازدەیەم فیستیڤاڵ: ساڵی ٢٠٢١ بە هاوکاریی (ڕێکخراوی مافی مرۆڤی جیهانیی ئەمریکی) لە شارۆچکەی خورماڵ و شارۆچکەی بیارە ئەنجامدراوە.

دووازدەیەم فیستیڤاڵ: ساڵی ٢٠٢٣ لە پارکی گشتیی خورماڵ لە شارۆچکەی خورماڵ بەڕێوەچووە، ڕۆژی دووەمیش لەناو بازاڕی (بیارە) بە نمایشی شانۆیی منداڵان، کە باسی لە پاکوخاوێنی و پاراستنی ژینگە کردووە، بە گۆرانی و هەڵپەڕکێ درێژەی هەبووە.

سیازدەیەم فیستیڤاڵ: ساڵی ٢٠٢٤ لە شاری سلێمانی و لە بازاڕی (فامیلی مۆڵ)، گوپی پەپوولەکانی هەورامان و چەندین تیپی منداڵانی تر بەشدارییان تێداکردووە.

سەرچاوەکان:

  1. چاوپێکەوتنى تیمى مەیدانى لەگەڵ سەرپەرشتیارى گروپەکە (سەنعان فاییق هانەدنى)، لەدایکبوو: استی خوێندن: ناوەندى، پیشە: کاسب، لە ١١ی ٦ی ٢٠٢٤، لە خورماڵ.

ئامادەکردنی: تیمی مەیدانی/ شارۆچکەی خورماڵ

17

هاوبەشی پێبکە

بابەتە هاوپەیوەندیدارەکان

چالاکییه ڕۆشنبیرییەکانی (١٣)ساڵەی کیمیاباران

لە ساڵڕۆژی یادکردنەوەی کیمیابارانی هەڵەبجە، لیژنەی قەزای شارەزوور (یەکێتیی هونەرمەندانی یەکگرتووی کوردستان) و بەسەرپەرشتی مەڵبەندی نۆ لە قەزای شارەزوور، ڕۆژانی ١٧و١٨ی ٣ی ٢٠٠١، چەند چالاکییەکی ڕێکخستووه. سەرپەرشتیارانی مەڕاسیم: مەحموود حاجی ساڵح، ئەحمەد محەممەد شارەزووری، عەدنان قادر عیزەت، ئەیوب کوێخا ڕۆستەم، جەبار جەلال، جەمال محەممەد سەوزە (ئازاد سەوزه). ١- کردنەوەی پێشانگای زامەکانی بەرخۆرەتاو، بۆ هونەرمەند شیروان شەوکەت. ٢- کردنەوەی پێشانگەی پۆستەری تایبەت بە شەهیدانی هەڵەبجە بۆ هونەرمەندان (محەممەد فەتاح، حیکمەت هیندی، هاوڕێ ئەنوەر، بەختیار مستەفا، مەریوان جەلال، کامەران کارگەچی، یاسین عەلی، شیروان فاتیح، ڕەئوف). ٣- پێشکەشکردنی چەند بەرهەمێکی سروود و لاواندنەوە لەلایەن تیپی موزیکی شارەزوور (کاروان مەحموود و خەلیل حەمەساڵح، دانا محەممەد) و خوێندکارانی خوێندنگەی زەڵمی کچان. ٤- پێشکەشکردنی شانۆگەری (ژیانەوەی نیشتیمان): بیرۆکەی: مالیک خامۆش، داڕشتنەوە و دەرهێنانی: عەتا حەمەساڵح حەمە، بەڕێوەبەری بەرهەم: ئازاد سەوزە، بەڕێوەبەری شانۆ: عەدنان نەجمەدین، جلوبەرگ و ئێکسسوار: نازم چالاک، کارگێڕیی گشتی: عەدنان قادر و مالیک حەسەن نادر، ئەکتەرەکان: نازم چالاک، عەدنان نەجمەدین فاتح، جەزا نووری، مالک خامۆش، شنۆ عەلی محەممەد، عەبدولڕەحمان محەممەد قادر، کامیار حەمەعەلی، پەیمان جەبار، عەتا حەمەساڵح حەمە، کەوسەر ئیبراهیم، ژیان جەبار، کیسرا ئەحمەد، شیروان شەوکەت، لە چوارچێوەی مەڕاسیمی ڕێزلێنان لە سیانزەیەمین ساڵیادی مەرگەساتی شەهیدانی هەڵەبجە، لە قەزای شارەزوور، ١٨ی ٣ی ٢٠٠١ لە قوتابخانەی شارەزوور نمایشکراوە. ٥- پێشکەشکردنی شانۆگەریی (هەڵەبجەی سپی): بەڕێوەبەری بەرهەم: ئەحمەد شارەزووری، بەڕێوەبەری شانۆ: عەدنان نەجمەدین، جلوبەرگ و ئێکسسوار: موحسن تۆفیق، کارگێڕیی گشتی: عەتا حەمەساڵح حەمە، ئەکتەرەکان: عەبدولڕەحمان محەممەد قادر، شاسوار عەزیز، عەدنان نەجمەدین فاتح، لە چوارچێوەی مەڕاسیمی ڕێزلێنان لە سیانزەیەمین ساڵیادی مەرگەساتی شەهیدانی هەڵەبجە، لە قەزای شارەزوور ١٧ی ٣ی ٢٠٠١ نمایشکراوە.

زیاتر بزانە
ڤیستیڤال

چالاکییە ڕۆشنبیرییەکانی (١٧)ساڵەی کیمیاباران

ئەو چالاکییە ئەدەبی و هونەری و وەرزشی و ڕۆشنبیریانەن، کە لە ١٦ بۆ ١٨ی ٣ی ٢٠٠٥ لە چەند شوێنێکی هەڵەبجەدا ئەنجامدراون، کە لیژنەکانی بەڕێوەچوونی یادەکە سەرپەرشتیکردوون. ئەوانیش: پێشانگای شێوکاری لە هۆڵی کتێبخانە، کۆڕی شیعر_خوێندنەوە لە هۆڵی یادگاری، چالاکییە وەرزشییەکانی یانەی هەڵەبجە، شانۆیی مەملەکەتی ئاشووب. بەرهەمی ڕێکخراوی ئازادی لاوان، زامەکانی سێو، نواندنی قەڵادزێ، شانۆی خوێندکارانی زانکۆی سەڵاحەدین، شانۆگەری سەنتەری لاوانی سەیدسادق، شانۆگەریی گەڕۆکی خوینکارانی زانکۆ، فلیمی (ژیان) دەرهێنانی جانۆ ڕۆژبەیانی، بەرهەمی مۆسیقیی تیپی شنروێ، تیپی هەڵەبجە، مەڵبەندی کازیوەی منداڵانی هەڵەبجە، گروپی مۆسیقای ئازادی، تیپی مۆسیقای شارەزوور. دەرچواندنی دوو ژمارەی بڵاوکراوەی هەڵەبجە و ژمارە سێی گۆڤاری هەڵەبجە لیژنەی سەرپەرشتیاری گشتی: فەتاح زاخۆیی، حەمەی فەرەج، شێخ کامیل، ئازاد تۆفیق.

زیاتر بزانە
ڤیستیڤال

چالاکییە ڕۆشنبیرییەکانی (١٨)ساڵەی کیمیاباران

چەند چالاکییەکی ڕۆشنبیریی حکومەتی هەرێمی کوردستان، وەزارەتی ڕۆشنبیرییە، بۆ ڕۆژی شەهید و یادکردنەوەی هەژدەیەمین ساڵەی کیمیابارانی‌ هەڵەبجه، بە دروشمی: (قوربانیانی هەڵەبجەی ناسنامەی کورد، چاوەڕوانی دەستی ئاوەدانین). لە ڕۆژانی ١٦-١٨ی ٣ی ٢٠٠٦ ئەنجامیداوە. لیژنەی سەرپەرشتیاری گشتی: هاوڕێ سەنگاو، مامۆستا شاهۆ، ئاراس عابد، جەبار جەلال، ئەکرم محەممەد، ئەڵوەن سەلاح، خدر مستەفا، ساسان ئەنوەر، ئازاد تۆفیق. لیژنەی شانۆ و سینەما: سەلاح حاجی عەلی، ڕێبوار فەرج عارف، ڕێبوار محەممەد، ڕاگەیاندن: عومەر عەبدول، فەرحان تاهیر، عادل کۆچەری، سەلام حاجی عەلی ئەردەڵان کاکەیی، ئاری عومەر، لوقمان قادر، ڕووبارخان، کۆچەر عەزیز، ڕۆژنامە: موحسین ئەدیب، خەبات نەوزاد، ئاری عەبدوللەتیف، کامیار عەبدولقادر، حیکمەت فائق. مۆسیقا: ئازاد ساڵح، یاسین عەلی، جیهانگیر جەلال. شێوەکاری: ئەریوان سەڵاح، سالار باقی، کامیار حەمەعەلی، عەبدوڵا میرزا، ئەمجەد جەمال، فوئاد عەبدوڵا، بەختیار ئەبوبەکر، سارا سدیق، شنۆ جەمال، ئاڵا ئیسماعیل، پێشڕەو جەمال.

زیاتر بزانە
ڤیستیڤال

چالاکییە ڕۆشنبیرییەکانی (٢١)ساڵەی کیمیاباران

١٦ی ٣ی ٢٠٠٩ لە یادی ٢١ساڵەی کیمیابارانی هەڵەبجەدا، ئەم چالاکییانە پێشکەشکراون: ١- پێشانگای هاوبەشی شێوەکاریی هونەرمەندان، بەڕێوەبەرێتیی هونەری شێوەکاریی سلێمانی. لە هۆڵی (ئامادەیی شەهیدانی کیمیاباران)، بۆ هونەرمەندان (ئیسماعیل حەسەن، ئاودێر عوسمان، هاوار عەلی مەردان، عەبدولڕەحمان میرزا، ئەمجەد جەمال، کاوە نووری، بەختیار هەڵەبجەیی، هاوژین عەبدولواحید، ڕۆستەم عەزیز، نامیق حەمە، ئەرسەلان ئەحمەد، ساکار عەبدوڵا، لانە سیروان، نەرمین مستەفا، مەریوان هەڵەبجەیی، ڕەئوف حەسەن، بێساران فەیرۆز، بەهجەت جەعفر، هێژا عومەر). ٢- پێشانگای وێنەی دیکۆمێنتاریی کارەساتی هێرۆشیمای یابان. بە هاوکاری سەنتەری بەرگری لە مافەکانی منداڵانی کوردستان. ١٦ی ٣ی ٢٠٠٩ لە هۆڵی ئەحمەدموختارجاف. ٣- پێشانگای جوڵاو. لە ١٦ی ٣ی ٢٠٠٩ لە شارۆچکەی (بیارە).

زیاتر بزانە
ڤیستیڤال

چالاکییە ڕۆشنبیرییەکانی (٢١)ساڵەی کیمیاباران لە خورماڵ

کۆمەڵێک چالاکیی ئەدەبی و هونەرین، لە ١٦ و ١٧ی ٣ی ٢٠٠٩ لە پڕۆگرامەکانی یادی کیمیاباراندا، دوای ڕێپێوانی جەماوەری و پێشکەشکردنی وتارەکانی بەڕێوەبەرانی ناحیە و کۆمەڵەی قوربانیان، لە یاریگای گشتیی خورماڵ ئەنجامدراون. لیژنەی ڕاگەیاندن: جەلیل عەزیز، کاروان ناسر، هوشیار ناسر، کارزان مەولود، مقداد دەرەمەڕی، چنوور ڕەحیم. لیژنەی ڕۆشنبیری: ڕەحمان حەمەلاو، عادل کۆچەری، دڵشاد ڕەفیق، کوردستان ئەحمەد. کارگێڕی: سەلام بیلال ئەسکەندەر، عومەر عەزیز، هۆشەنگ فارس، کوێستان ئەحمەد، هاوکار ڕەحیم، نەبەز عەلی، سەبریە نەسرەدین. دارایی: سمکۆ سالار، دیار حەسەن، ڕزگار سەعید. شانۆییەکان: ١- سەفەرێک لە هەڵەبجەوە بۆ هەڵەبجە: بەرهەمی تیپی هونەریی پێشەنگ. نوسین و دەرهێنانی: سەنعان فایق. ٢-گەڕانەوە بۆ ژیان: بەرهەمی تیپی شانۆیی بێروون. نوسین و دەرهێنانی: دارا خالید. ٣-پەیمانی دارستان: نوسینی : عەفان عوسمان. دەرهێنانی سەردار قادر. ٤-شەهیدی ڕاستگۆ: نوسن و دەرهێنانی: سەنعان فایق.

زیاتر بزانە
ڤیستیڤال

چالاکییە ڕۆشنبیرییەکانی (٢٤)ساڵەی کیمیاباران

بەچاودێری قایمقامی قەزای هەڵەبجە، ڕۆژانی ١٦ بۆ ١٨ی ٣ی ٢٠١٢ لە هەڵەبجە، چەند چالاکییەکی ڕۆشنبریی ئەنجامدراوە، لەوانە: ١- کۆراڵی هەڵسانەوەی هەڵەبجە: ئامادەکرنی ئەنوەر قەرەداغی، بەرهەمی موزیکی سەنتەری گەنجان، ئامادەکردنی مامۆستا جیهانگر، لە هۆڵی مۆنۆمێنت. ٢- پێشانگای تایبەتی ڕێکخراوی ژینگەپارێزی هەڵەبجە: شوێن بەنزیخانە کۆنەکە. ٣- پێشانگای گروپی کچانی پەیمانگای هونەرەجوانەکانی هەڵەبجە. شوێن مەزاری شەهیدان. ٤- فۆتۆی ئەرشیفی هەڵەبجە و دابەشکردنی کتێبی سێونما: ناوەندی ڕوناکبیری هەڵەبجە. شوێن ناوەند. ٥- پێشانگای کتێب: ناوەندی ڕێکخراوە دیموکراتییەکانی شارەزوور. شوێن: کتێبخانەی گشتی. پێشانگای فۆتۆگرافی لە گەلەری هەڵەبجە. ٦- لەسێو ناترسین: چالاکیی هونەریی قوتابخانەی سازگار. شوێن: مەزاری شەهیدان. ٧- نمایشکردنی پێناسی شەهیدان: هونەرمەند: ئاگرین. شوێن: ماڵی عومەر خاوەر. ٨- فلیم: هەڵەبجە بەردەوام لە ژیاندا. جەلیل سەعید، ئومێدی شارێک لەلایەن درامای ناوەندی شاخ، دیکۆمێنتاری هێرۆشیمای دووەم، لەلایەن ڕێکخراوی کیباوە لە هۆڵی ئەحمەدموختار. ٩- شانۆیی: خەونی ژێر گڵ، لەلایەن پەیمانگای هونەرەجوانەکانی هەڵەبجەوە، لە هۆڵی پەیمانگا، ١٠- بەرهەمی شانۆیی (گروپی سەرنج)ی سلێمانی لە هۆڵی ئەحمەدموختار. ١٠- گۆرانی و سروود: لەلایەن پەیمانگای هونەرەجوانەکانی سلێمانی و سروودی هەڵەبجەی (کانی هەڵەبجەیی) لە هۆڵی ئەحمەدموختارجاف. هەروەها چالاکیی وەرزشی پێشکەشکراوە.

زیاتر بزانە
ڤیستیڤال