یانەو سیاوچەمانە
دواین نوێکردنەوە: 2026-05-13
گروپێکی هونەرییە. ساڵی ٢٠٠٨ لەلایەن (سوبحان فەیروز، دڵسۆز عوسمان، سەرکاو فەیروز... هتد) دامەزاراوە، لە بواری کلتور و ئەدەب و ڕۆشنبیریدا کاردەکەن. بەپێی فەرمانی کارگێڕیی ژمارە ٤٠٥٦ لە ١٧ى ٦ى ٢٠١٢، لە بەڕێوەبەرایەتیی گشتیی ڕۆشنبیری و هونەر و وەرزش و لاوان لە سلێمانی تۆمارکراوە، (سوبحان فەیروز) سەرۆکی گروپەکەیە، ئامانجی یانەو سیاوچەمانە بریتییە لە گرنگیدان بە کلتور و ئەدەب، گرنگیدان بە ڕۆشنبیری و زمان، زیندوکردنەوەی ئەدەب و فەرهەنگی هەورامی، گرنگیدان بە بواری هونەری کرمانجی ناوەڕاست و هەورامی، ئۆفیسی ئەم گروپە کەوتووەتە گەڕەکی کانی قوڵکە، نزیک مزگەوتی مصعەب.
سەرچاوەکان:
- چاوپێکەوتنی ئامادەکار لەگەڵ (سوبحان فەیروز یەعقوب، لەدایکبووی ١٩٧٩، ناوەندی، خانەنشین، سەرۆکی گروپی یانەو سیاوچەمانە ٢ى ٤ى ٢٠٢٣، لە هەڵەبجە.
- تۆماری گروپی یانەو سیاوچەمانە، ژمارە (٤٠٥٦)، لە ١٧ى ٦ى ٢٠١٢.
ئامادەکردنی: جەوهەر عەزیز ئەحمەد