بەڕێوەبەرایەتیی گشتیی گەشتوگوزاری هەڵەبجە
دواین نوێکردنەوە: 2026-10-21
فەرمانگەیەکی حکومییە و سەر بەدەستەی گەشتوگوزار - وەزارەتی شارەوانی گەشتوگوزاری حکومەتی هەرێمی کوردستانە. کەوتووەتە نزیک جادەی حەمەوغان و خوار قوتابخانەی شەهید ئەنوەر. ساڵی ٢٠٠٥ کراوەتەوە و ٢٠٠٧ کراوە بە بەڕێوەبەرایەتی و ساڵی ٢٠٢٢ کراوە بە بەڕێوەبەرایەتیی گشتی. لە بەشەکانی (کارگێڕی، ژمێریاری، پلاندانان، ئەندازیاری، گەشتیاری، مۆڵەت، یاسا و گرێبەستەکان، ڕاگەیاندن و بە بازاڕکردن) و چەند هۆبەیەک پێکهاتووە. لە بنکە_بوونیەوە تا بەڕێوەبەرایەتی، ئەم کەسانە بەڕێوەبەری بوون:
١-عباس حەمەسعید حسێن. دبلۆم، هونەری، ٢٠٠٥-٢٠١٣
٢-سامان کریم غفور. دبلۆم، کارگێڕی گەشتوگوزار، تا ٢٠١٨
٣-وەهاب امین میکە. دبلۆم، تا ٢٠٢٠
٤-غریب احمد حەمەحسێن. تا ٢٠٢٢
لە ئێستادا (چیا قاسم حەمەسلیم) بەڕێوەبەری گشتییە. ٤٨ فەرمانبەری میلاک و گرێبەست و خۆبەخشی هەیە. بیناکەی ساڵی ٢٠١٠ دەستکراوە بە دروستکردنی و ٢٠٢٣ تەواوبووە. کاری بەڕێوەبردنی کەرتی گەشتوگوزاری گشتی و تایبەت و چاودێریکردنی پرۆژەکان و مۆڵەتدان و پێشکەشکردنی خزمەتگوزارییە بە ناوچە گەشتیارییەکان و گەشتیاران.
سەرچاوەکان:
- سەردانیکردنی ئامادەکار بۆ بەڕێوەبەرێتییەکە ١٢ی ٣ی ٢٠٢٤، ١٠ی سەرلەبەیانی.
- چاوپێکەوتنی ئامادەکار لەگەڵ (عەباس حەمەسەعید حسێن)، لەدایکبوو: ١٩٧٠، بڕوانامە: دبلۆم، پیشە: لێپرسراوی بەشی پلاندانان و جێگری بەڕێوەبەری گشتیی گەشتوگوزاری هەڵەبجە، لە ١٢ی ٣ی ٢٠٢٣، لە هەڵەبجە.
- چاوپێکەوتنی ئامادەکار لەگەڵ (سامان کەریم غەفوور)، لەدایکبوو: ١٩٨٤، بڕوانامە: دبلۆم، پیشە: فەرمانبەر، لە ١٢ی ٣ی ٢٠٢٤، لە هەڵەبجە.
ئامادەکردنی: هومایون ساحیب کەریم