وەیسکێ
ساڵی ١٩٩٨ لە گوندی (کانی وەیسکێ) کراوەتەوە و لەسەر ئەرکی حکومەتی هەرێمی کوردستان دروستکراوە. لە بینایەکی یەک نهۆمی پێکهاتووە. دوو کادیری پزیشکی و دوو کارمەندی هەیە.
ئەحمەدئاوا
کەوتووەتە ناو گوندی (ئەحمەدئاوا). بینای نەخۆشخانەکە و خانویەک بۆ کارمەندانی. ساڵی ١٩٩٨ لەلایەن ڕێکخراوێکی خێرخوازییەوە لەسەر ڕووبەری (٤٠٠م٢) دروستکراوە. لە شەش ژوور پێکهاتووە. سێ کارمەندی هەیه.
ئیمامى زامن
کەوتووەتە گوندى (ئیمامى زامن)ی سەربە شارۆچکەی سیروان. ساڵى ٢٠٠٥ دامەزراوە. بیناکەی لەسەر ئەرکى حکومەت و لەسەر ڕووبەری (١٢٧.٥م٢) دروستکراوە. شەش کاتژمێرى بووه. لە بەشەکانى (دەرمانخانە و عیلاج نوسین و برینپێچى) پێکهاتووە. یەک نهۆم بووە. لە ئێستادا داخراوە.
بامۆک
ساڵی ١٩٩٤ لەسەر ئەرکی خێرخواز(حاجی محەممەد بامۆکی) دروستکراوە. بەشی دەرمانخانە و تەداوی تێدایە. تەلارێکی یەک نهۆمییە. ڕووبەری (١٥٠م) زەوییە. (ئاشتی کاکەحەمە ئەحمەد) بەڕێوەبەری بنکەکـەیە و دوو فەرمانبەری هەیە.
بانیشار: شەهید کاکە حەمە
کەوتووەتە ناو گوندی (بانشار). ساڵی ١٩٧٦ لەسەر ڕووبەری (١٥٠م) لەلایەن حکومەتەوە دروستکراوە. دکتۆر (کامیل حاجی ڕەحیم) بۆماوەی چەند ساڵێک بەڕێوەیبردووە. دوای ڕاگواستنی گوندەکان داخراوە. پاش گواستنەوەی گوندەکە بۆ شوێنی ئێستای، ساڵی ٢٠٠١ بنکەی تەندروستی لە خانوی هاوڵاتییەکدا دامەزراوەتەوە و ساڵی ٢٠٠٦ لەسەر ڕووبەری (٢٠٠م٢)زەوی، لەلایەن حکومەتەوە بینای تایبەت بە خۆی بۆ دروستکراوە، کە لە چوار ژوور پێکدێت و لە ئێستادا چوار کارمەندی هەیە و یاریدەدەری پزیشک (بەختیار حەمەئەمین) بەڕێوەبەریەتی.
بەردەبەل
کەوتووەتە سنوری گوندی (بەردەبەل)ی سەر بە ناحیەی خورماڵ. ساڵی ٢٠٠٠ کراوتەوە. بیناکەی لەلایەن (محەممەد حاجی مەحموود)ەوە دروستکراوە و لە چوار ژوور پێکهاتووە. ڕووبەرەکەی لە (٤٠٠م٢) زیاترە. دوو کارمەندی هەیە.